Áskorun Björgvins til Björgvins

Björgvin G Sigurðsson skorar í gær á kaupmenn að halda aftur af verðhækkunum. 

Nú vill þannig til að alnafni Björgvins rekur einmitt eina af stærstu verslunum landsins sem heitir Fríhöfnin í Keflavík.

Því væri nærtækt að ætla að viðskiptamaðurinn Björgvin G Sigurðsson muni hlýða ákalli alnafna síns Björgvins G Sigurðssonar viðskiptaráðherra og  halda aftur af hækkunum í ríkisbúðinni í Leifsstöð og draga til baka þær hækkanir sem þar hafa orðið. 

Sú verslun er augljóslega rekin í samkeppni við aðrar verslanir á Íslandi með forgjöf þar sem ekki þarf að greiða skatta og skyldur af ríkisrekstrinum og ætti hún því að vera aflögu fær í hinu samstillta átaki viðskiptaráðherrans.

Vonandi verður svo hægt að velta upp þeirri spurningu hvers vegna hið opinbera sinnir slíkum samkeppnisrekstri og hvaða réttlætismál það er að fella niður tolla til þeirra sem ferðast til útlanda ?