Úr veruleikafirringu í afneitun, Kafli2

Árni Matthías núverandi fjármálaráðherra fylgir eftir forsætisráðherra í sálgæslu sem hlýtur að vera markmiðið með fullyrðingu hans í dag þess efnis að  ".....staða peningamála hafi batnað hér síðustu vikur einkum þó hjá bönkunum".  Þannig fengust í dag skuldabréf á íslenska banka með gjalddaga 2010 á 900 punktum  ofan á Libor.

Jafnframt er einstaklega pínlegt fyrir Árna Matthías að hafa ekki haft af því fregnir í dag að tryggingariðgjald á skuldir Íslenskra banka stefnir nú hraðbyr í fyrri hæðir.

Báðir standa ráðherrarnir í þeirri trú að spádómar þeirra um gengi og vaxtahorfur hafi vægi á fjármálamörkuðum þrátt fyrir að aldrei hafi þeirra spár ræst hingað til enda orð þeirra hlaðin verðbólgu og hafa því lítið verðgildi rétt eins og gjaldmiðillinn sem þeir reyna að verja.