Verðbólgutölur

Undirrituðum hefur löngum grunað að útreikningar Hagstofunnar séu gallaðir. 

Eins og allir vita hefur hlutfall nýrra og mun vandaðri fasteigna aukist verulega í sölu undanfarinna ára sem ekki er gæðaleiðrétt fyrir. Þannig gæti hæglega hafa verið um að ræða ofmat á hækkunum á húsnæði undanfarinna ára sem og vanmat á lækkunum undanfarinna mánaða.

Af einhverjum óútskýrðum ástæðum er ekki hægt að fá upplýsingar um verkferla, reiknilíkan eða neinar upplýsingar um hvað stofnunin leggur til við mat sitt.  Mönnum er tíðrætt um nauðsyn hvers kyns eftirlitsiðnaðar með einstaklingum og fyrirtækjum en aldrei kemur til tals hvort eða hverjir eigi að hafa eftirlit með eftirlitsiðnaðinum.

Stór liður í hinum nýju 49,5% verðbólgutölum stofnunarinnar er hækkun nýrra bíla.  Nú mætti ætla að þegar bílar hækki ætti sókn manna í hagstæðustu kaup að aukast.  Þannig skiptir vitaskuld verulegu máli að hagstofan taki mið af hagstæðustu verðum sem í boði eru hverju sinni.

Hér eru t.d. tveir Land Cruiser 200 jeppar, svipaðir að flestu leiti nema sá ódýrari er 100 hestöflum kraftmeiri og hefur ekki hækkað í verði frá áramótum !

 Sparibíl kr. 8,8m                                    Toyota Umboðið kr.13,8m